لاہور(سپورٹس رپورٹر+نمائندہ سپورٹس)پی سی بی کے زیراہتمام نیشنل کرکٹ اکیڈمی لاہور میں سپنرز کا تربیتی کیمپ منگل کے روزبھی جاری رہا۔ قومی کرکٹ ٹیم کے بولنگ کنسلٹنٹ مشتاق احمد کی زیر نگرانی کیمپ میں بائولرز کی تکنیک اور بائولنگ ایکشن پر بھی کام کیا جارہا ہے۔ پی سی بی کی کوشش ہے کہ یاسر شاہ ، سعید اجمل اور محمد حفیظ کے متبادل سپنر ز تیار کئے جاسکیں اور امید کی جارہی ہے کہ آئندہ دو سال کے دوران قومی ٹیم کیلئے نئے سپنرز دستیاب ہوں گے۔کیمپ میں حصہ لینے والے سپنرز میں یاسر شاہ، ظفر گوہر، کرامت علی، محمد اصغر، ارسل، عماد وسیم، محمد نواز، بلال آصف، حیات اللہ، شاداب خان، سلمان فیاض اور احمد شفیق شامل ہیں۔ کیمپ میں شرکت کرنے والے بولر کی پینٹیگولر ڈومیسٹک کرکٹ ٹورنامنٹ میں پرفارمنس کا جائزہ لیا جائے گا۔