قصور (نمائندہ نوائے وقت) قصور کے نواحی علاقہ چھچر میں بدبخت بیٹے نے نشے کی رقم نہ دینے پر کلہاڑی کے وار کر کے ماں کو قتل اور 2 بہنوں کو زخمی کر دیا۔ جواں سالہ ناصر نشے کا عادی تھا گزشتہ روز اس نے اپنی ماں سے نشے کیلئے رقم مانگی رقم نہ ملنے پر کلہاڑی کے وار کر کے ماں رضیہ بی بی ہلاک جبکہ اپنی دو بہنوں 16سالہ صائمہ اور 18سالہ سونیا کو شدید زخمی کر دیا۔ واقعہ کی اطلاع پا کر پولیس تھانہ الٰہ آباد موقع پر پہنچ گئی جبکہ ملزم موقع سے فرار ہو گیا۔