نیو یارک: ڈونلڈ ٹرمپ کے خلاف سینکڑوں افراد کا مظاہرہ، 11گرفتار
نیویارک( آن لائن )امریکہ میں ری پبلکن کے نامزد صدارتی امیدوار ڈونلڈ ٹرمپ کے خلاف نیویارک میں سینکڑوں افراد نے احتجاجی مظاہرہ کیا ، پولیس نے گیارہ افراد کو گرفتار کر لیا۔نیویارک کے گرینڈ سینٹرل ٹرمینل کے قریب واقع ہوٹل میں ری پبلکن کے گالا کے موقع پرسینکڑوں افراد جمع ہوئے اور ڈونلڈ ٹرمپ کے نفرت انگیز بیانات کے خلاف احتجاجی مظاہرہ کیا۔ مظاہرین نے پلے کارڈ اٹھا رکھے تھے جس پر ٹرمپ کے خلاف نعرے درج تھے۔ پولیس نے احتجاج کرنے پر گیارہ مظاہرین کو گرفتار کر لیا۔
