لاہور(نمائندہ سپورٹس ) آسٹریلیا نے بھارت کو شکست دے کر اذلان شاہ ہاکی ٹورنامنٹ جیت لیا۔ دونوں ٹیموں کے درمیان سخت مقابلہ ہو ا جس کے بعدآسٹریلوی ٹیم فائنل صفر کے مقابلے میں ایک گول سے جیتنے میں کامیا ب رہی۔پاکستان نے کینڈا کو 1 کے مقابلے 3گول سے ہرا دیا۔پاکستان اور کینڈا کے درمیان کھیلے جانے والے میچ میں پاکستان نے کینڈا کو ہرا کر ٹورنامنٹ میں پانچویں پوزیشن حاصل کر لی۔ گرین شرٹس نے میچ1-3ے جیت لیا۔تیسری پوزیشن کے میچ میں دفاعی چیمپئن نیوزی لینڈ نے میزبا ن ملائیشیا کو پنالٹی ککس پر چار کے مقابلے میں پانچ گول سے شکست دیدی ۔ بھارت سے ہارنے کے بعد قومی ٹیم فائنل کی دوڑ سے باہر ہو ئی تھی۔جاپان کی ٹیم ایونٹ میں کوئی میچ نہ جیت سکی اور آخری پوزیشن پر رہی۔