ملتان (سپورٹس رپورٹر)نیشنل ٹیبل ٹینس چیمپئن شپ 2016ء اختتام پذیر ہو گئی۔ واپڈا نے اوورآل چیمپئن شپ جیت لی۔ ملتان جمنیزیم ہال میں چیمپئن شپ کے آخری روز مردوں کے سنگلز فائنل میں واپڈا کے عاصم قریشی نے فریال منہاس کو 4-0 سے ہرا کر نیشنل چیمپئن شپ اپنے نام کر لی۔ خواتین سنگلز میں آرمی کی راحیلہ کاشف نے شبنم بلال کو 4-3 سے ہرا کر خواتین چیمپئن بننے کا اعزاز حاصل کر لیا۔ مردوں کے ڈبلز میں واپڈا کے رمیز اور رحیم نے فریال منہاس اور حافظ ذیشان کو 3-0 سے ہرا کر فائنل جیتا۔ اسی طرح خواتین ڈبلز میں آرمی کی راحیلہ کاشف اور شبنم بلال نے واپڈا کی عائشہ سرجیل اور سدرہ کو 3-0 سے ہرا دیا۔