لاہور(دی نیشن رپورٹ) پاکستان کے سابق عالمی سنوکر چیمپئن محمد آصف ‘محمد بلال اور محمد سجاد نے ایشین سنوکر چیمپئن شپ میں فاتحانہ آغاز کیا ہے ۔ گزشتہ رو ز دوحہ میں کھیلے ایونٹ میں پاکستان کے سہیل شہزاد افتتاحی میچ میںبھارت کے منان چندرا سے ہار گئے ۔ گزشتہ ایونٹ پاکستان کے حمزہ اکبر نے ایونٹ جیتا تھا مگروہ اس بار شریک نہیں ہیں ۔نوید کپاڈیا نے ’’دی نیشن ‘‘ سے گفتگو کرتے ہوئے کہا کہ پہلا دن پاکستان کیلئے بہت اچھا رہا ‘کھلاڑیوں نے روانگی سے قبل بہت اچھی پریکٹس کی تھی ۔مقابلے بہت ٹف ہیں پھر بھی اچھا پرفارم کرینگے۔محمد بلا ل نے کوریا کے بائیک منہو کو ہرایا‘محمد آصف نے میچ کے دوران سنچری بریک بھی کھیلا۔