لندن (سپورٹس ڈیسک) سنوکر کے انگلش کھلاڑی سٹیو ڈیوس نے 38سالہ کیریئر کے بعدریٹائرمنٹ کا اعلان کردیا۔ 58سالہ کھلاڑی نے کہا کہ وقت آگیا ہے کہ اب ریٹائر منٹ لے لوں ‘بہت عرصہ کھیل سے لطف اندوز ہوا ہوں ۔ڈیوس نے 1978ء میں کیریئر کا آغاز کیاتھا۔چھ بار ورلڈ ٹائٹل جیتے ‘1983ء سے 1990ء تک عالمی نمبر ایک رہے ۔28رینکنگ ٹائٹل اپنے نام کئے۔53نان رینکنگ ٹائٹل ‘1453پروفیشنل میچز‘نو ٹیم ٹائٹلز‘مسلسل سات سال تک عالمی نمبر ون رہنے کا اعزاز حاصل کیا۔انہوں نے آخری میچ 10اپریل کو کھیلا تھا جس میں شکست کا سامنا کرنا پڑ اتھا۔انہوں نے کہا کہ گزشتہ دنوں والد انتقال کرگئے تھے جس کے بعد کھیل کا الوداع کہنا میرے لئے ضروری ہوگیاتھا۔میں تو زیادہ تر اپنے والد کیلئے کھیلا تھا۔میرا پیشہ بھی میرا مشغلہ تھا جس سے بہت خوش ہوتا تھا۔