کوہاٹ: سیمنٹ سے بھرے ٹرالے کی ڈاٹسن کو ٹکر، 3 افراد جاں بحق، 2 شدید زخمی
کوہاٹ (نامہ نگار) کوہاٹ انڈس ہائی وے پرسیمنٹ سے بھرا ٹرک ڈاٹسن پر چڑھ دوڑا جس سے 3 افراد موقع پر جاں بحق جبکہ 2 شدید زخمی ہوگئے۔ لاشوں اور زخمیوں کو ڈسٹرکٹ ہیڈکوارٹر اسپتال کوہاٹ منتقل کردیا گیا۔ حادثہ انڈس ہائی وے پر شہیدہ بانڈہ کے قریب اس وقت پیش آیا جب پشاور جانیوالا سیمنٹ سے بھرا تیزرفتار ٹرک بے قابو ہوکر لکی مروت جانیوالی ڈاٹسن پر چڑھ دوڑا حادثہ اتنا شدید تھا جس سے ڈاٹسن مکمل طور پر تباہ ہوگئی۔
