کراچی (نوائے وقت رپورٹ) ٹھٹھہ سے گرفتار ’’را‘‘ کے دو ایجنٹوں کی تفتیشی رپورٹ کے مطابق دونوں ایجنٹس نے تفتیش میں سب کچھ اُگل دیا۔ صدام حسین عرف ماچھی اور محمد علی سولنگی کو سی ٹی ڈی نے گرفتار کیا تھا۔ دونوں ٹھٹھہ میں رہ رہے تھے۔ دونوں ایجنٹس کو بھارت میں رابطے کیلئے نمبر اور کوڈ ورڈ دئیے گئے تھے ۔ ملزموں نے اپنے کئی ساتھیوں کے نام بتا دئیے۔ پہلا کوڈ ورڈ ’’بڑے مولوی صاحب بلا رہے ہیں‘‘ جبکہ دوسرا کوڈ ورڈ ’’مٹھائی تیار ہے شادی میں آجائو‘‘ تھا۔ نجی ٹی وی کے مطابق ایجنٹ صدام حسین نے بتایا کہ بھارت جاتے تھے کوئی روکتا تو بتاتا کہ201 ہوں، بھارتی حکام آنکھوں پر پٹی باندھ کر گاڑی میں لے جاتے تھے۔ ’’را‘‘ والے رقم،کھانا پینا، شراب اور موبائل فون دیتے تھے۔