گاندھی نگر (آئی این پی) معروف پاکستانی گلوکار غلام علی کا بھارتی ریاست گجرات میں کنسرٹ منسوخ کر دیا گیا جس سے مداحوں میں مایوسی کی لہر دوڑ گئی۔ بھارتی میڈیا کے مطابق غلام علی کو بھون نگر میں ایک ثقافتی پروگرام میں شرکت کرنا تھی تاہم ناگزیر وجوہات کی بناپر انکی پرفارمنس منسوخ کر دی گئی۔کنسرٹ منسوخ ہونے سے مداحوں میں مایوسی کی لہر دوڑ گئی ہے اور انہوں نے بھارتی حکومت سے اپیل کی ہے کہ کنسرٹ کو منسوخ کرنے کی بجائے ملک میں غیرملکی مہمانوں کی سکیورٹی کو یقینی بنایا جائے۔