قصور (نمائندہ نوائے وقت) چوری، ڈکیتی کی دس وارداتوں میں مطلوب ڈاکو مبینہ پولیس مقابلے میں ہلاک ہو گیا جبکہ ساتھی فرار ہو گیا۔ پولیس نورپور کینال کے قریب گاڑیوں کو چیک کر رہی تھی کہ اس دوران موٹر سائیکل پر سوار 2 ملزموں کی تلاشی پر ایک پسٹل برآمد ہوا۔ گرفتار ہونے والے ثناء اللہ اور الیاس کو لے جایا جا رہا تھا کہ فائرنگ ہو گئی جس کی زد میں آ کر ثناء اللہ دم توڑ گیا جبکہ اس کا ساتھی الیاس پپو فرار ہو گیا۔