لاہور (سٹاف رپورٹر) تھانہ غالب مارکیٹ کے علاقہ میں گرومانگٹ روڈ پر گتے اور فوم بنانے والی فیکٹری میں آگ لگ گئی جس سے فیکٹری میں موجود لاکھوں روپے مالیت کا قیمتی سامان جل گیا۔ اطلاع ملنے پر امدادی ٹیمیں موقع پر پہنچ گئیں۔ دھویں کے سیاہ بادل اور آگ کے شعلے دور دور تک دکھائی دئیے۔ مزدوروں نے بھاگ کر اپنی جانیں بچائیں۔ مزدوروں کی بڑی تعداد نماز کی ادائیگی کیلئے فیکٹری سے باہر تھی۔ 4 گھنٹے کی جدوجہد کے بعد آگ پر قابو پا لیا گیا۔ آتشزدگی کے نتیجے میں فیکٹری کے گودام میں پڑا لاکھوں روپے مالیت کا سامان جل کر راکھ ہو گیا۔ آتشزدگی کی تحقیقات کی جا رہی ہیں۔
فیکٹری/ آتشزدگی