کوئٹہ + پشاور (نوائے وقت رپورٹ؍ نیوز ایجنسیاں) بلوچستان میں سوئی کے علاقے تیلغ میں امن فورس اور دہشت گردوں میں فائرنگ کا تبادلہ ہوا۔ لیویز ذرائع کے مطابق فائرنگ کے تبادلے میں ایک بچی جاں بحق چار افراد زخمی ہو گئے زخمیوں کو طبی امداد کیلئے سول ہسپتال سوئی مستقل کردیا گیا ہے ادھر پشاور کاؤنٹر ٹیررازم ڈیپارٹمنٹ مالا کنڈ ریجن نے مبینہ دہشتگرد محمد عالم کو گرفتار کر لیا ہے۔ اسے مذکورہ دہشت گرد نے 1994ء میں تحریک نفاذ شریعت کے دیگر کارکنوں کے ساتھ پولیس کے پانچ اہلکار نامعلوم مقام پر لیجا کر محبوس رکھے تھے۔ علاوہ ازیں ڈیرہ اسماعیل خان میں پولیس نے کالعدم تحریک طالبان کے ایک دہشت گرد عبدالرحمن کو گرفتار کر لیا ہے اس سے سر کی قیمت 5 ہزار روپے مقرر کی گئی تھی۔