لاہور/اسلام آباد/ سرگودھا / بھکر/کوئٹہ (سٹاف رپورٹر+آن لائن+ نامہ نگاران) لاہور، اسلام آباد، سرگودھا اور بھکر میں پولیس اور حساس اداروں کا سرچ آپریشن، 24 مشکوک افراد گرفتار کرلیا۔ لاہور میں 13 مشکوک افراد کو حراست میں لیکر تفتیش کیلئے نامعلوم مقام پر منتقل کر دیا۔ پولیس نے برکی ہڈیارہ ہربنس پورہ، غازی آباد، باغبانپورہ سمیت دیگر علاقوں میں سرچ آپریشن کے دوران متعدد افراد کو حراست میں لے لیا۔ آباد تھانہ کوہسار کے علاقے پیر سواہان ، تلہماڑا اور گوکینہ گائوں میں ایک مشتبہ شخص کو گرفتار کر لیا گیا۔ ملزم کی نشاندہی پر اسلحہ بھی برآمد کرلیا گیا۔ سوات میں سی ٹی ڈی ملاکنڈ کی کارروائی، اہم مطلوب ملزم گرفتار ، سی ٹی ڈی ملاکنڈ ذرائع کے مطابق بشیر رحمان ولد صدبر ساکن اینگرو ڈھیرئی سوا ت جو تھانہ رحیم آباد کو سال 2004 کے دوران دہشت گردی سمیت متعدد مقدمات میں مطلوب تھا۔