قصور (نمائندہ نوائے وقت + نامہ نگار) چوک شہیداں کے رہائشی یوسف مسیح پر نامعلوم ملزمان نے تیزاب پھینک دیا جو جھلس کر شدید زخمی کردیا۔ تفصیلات کے مطابق یوسف مسیح ہمراہ اپنے بھائی یونس مسیح اور چچا زاد اقبال کے ہمراہ موٹر سائیکل پر دین گڑھ سے واپس اپنے گھر جارہے تھے گورنمنٹ اسلامیہ حنفیہ سکول کے قریب پیچھے سے تین نامعلوم ملزمان موٹرسائیکل پر آئے اور یوسف مسیح پر تیزاب پھینک کر فرار ہوگئے جس کے نتیجہ میں یوسف مسیح جھلس گیا جس کو جناح ہسپتال لاہور منتقل کردیا گیا ہے۔ تھانہ بی ڈویژن پولیس نے مقدمہ درج کر کے ملزمان کی گرفتاری شروع کردی۔