بلاول اسلام آباد پہنچ گئے، پرسوں کوٹلی میں جلسے سے خطاب کریں گے
اسلام آباد (آئی این پی) پیپلز پارٹی کے چیئرمین بلاول بھٹو زرداری کراچی سے اسلام آباد پہنچ گئے۔ بلاول بھٹو زرداری اسلام آباد میں قیام کے دوران 30 اپریل کو کوٹلی آزاد جموں و کشمیر میں ایک بڑے انتخابی جلسے سے خطاب بھی کریں گے۔ وہ چار روز تک اسلام آباد میں قیام کریں گے۔ ذرائع کے مطابق چیئرمین بلاول بھٹو زرداری اسلام آباد میں اپنے قیام کے دوران آزاد جموں و کشمیر کے آمدہ انتخابات کے حوالے سے آزاد کشمیر کے رہنمائوں سے اہم ملاقاتیں بھی کریں گے جبکہ پنجاب، خیبر پختونخوا میں پارٹی کی تنظیم نو اور انٹرا پارٹی الیکشن کے حوالے سے اہم مشاورت بھی کریں گے۔
