لاہور(نمائندہ سپورٹس +سپورٹس رپورٹر) پاکستان کرکٹ کپ کے سلسلہ میں کھیلے گئے میچ میں بلوچستان نے اسلام آباد کو تین وکٹوں سے ہرادیا۔اسلام آباد نے پہلے کھیلتے ہوئے 8وکٹوں کے نقصان پر 315رنز بنائے ۔امام الحق نے 102جبکہ کپتان کامران اکمل نے 134رنز بنائے۔بلاول بھٹی نے تین وکٹیں حاصل کیں ۔بلوچستان کی ٹیم نے ہدف آخری اوور میں سات وکٹوں پرپورا کرلیا ۔ کپتان اظہر علی 80‘اویس ضیاء45‘رمیز راجہ جونیئر 33اوربابر اعظم 31رنز ‘عمراکمل 59بناکر آﺅٹ ہوئے ۔سہیل تنویر 9گیندوں پر 26رنز بناکر ناقابل شکست رہے۔محمد سمیع نے تین کھلاڑیوں کو آﺅٹ کیا۔کامران اکمل کو میچ کا بہترین کھلاڑی قرار دیا گیا۔ پنجاب اور سندھ کی ٹیمیں آج مد مقابل ہونگی ۔ دوسری فائنلسٹ ٹیم کا فیصلہ رن ریٹ کی بدولت بھی آج ہوگا۔