شیخوپورہ، قصور میں بیوہ اور مدرسہ کے طالب علم سے زیادتی
شیخوپورہ+ فیروز والا +قصور + فیصل آباد (نامہ نگار خصوصی +نمائندہ خصوصی+ نمائندہ نوائے وقت +نامہ نگاران) شیخوپورہ، قصور میں بیوہ اور طالب علم سے زیادتی کی گئی۔ شیخوپورہ کے محلہ غریب آباد میں سونیا بی بی نے بتایا ملزم میرے مرحوم خاوند جہانگیر علی کا دوست تھا ہمارے گھر آیا اور زبردستی زیادتی کر ڈالی،فیروز والا میں جی ٹی روڈ کی آبادی رچنا ٹاؤن میں خاتون نے مزاحمت کرکے زیادتی کی کوشش ناکام بنا دی خاتون نے ملزم سے پسٹل چھین لیا اوباش نے اینٹ مار کر خاتون کو زخمی کر ڈالا ۔ خاتون (س) گھر میں موجود تھی نوجوان خرم نے مسلح ہو کر اس کے ساتھ زیادتی کی کوشش کی خاتون نے ہاتھا پائی کرکے کوشش ناکام بنا دی ملزم کا پسٹل چھین لیا ملزم نے اینٹ سر پر مار کر زخمی کر دیا۔ کوٹ رادھا کشن کے نواح اصغر علی نے پولیس کو بتایا سائل کا بیٹا جنید عمر 14 سال 10 یوم قبل مدرسہ میں گیا تو مولانا رفیق نے اس سے زیادتی کر ڈالی۔ فیصل آباد میں مسلم ٹاؤن کی عائشہ بی بی کی طرف سے تھانہ سرگودھا روڈ میں درج کروائے گئے مقدمہ میں مؤقف اختیار کیاگیا ہے وہ کچہری بازار چوک میں کھڑی تھی اس کے خاوند نعیم خان کا جاننے والاریحان آیا اور کہا وہ مسلم ٹاؤن جا رہا ہے میرے ساتھ بیٹھ جاؤ میں اس کے ساتھ موٹرسائیکل پر بیٹھ گئی جو مجھے نامعلوم جگہ پر لے گیا جہاں طاہر، زاہد اور افضال نے اسے زیادتی کا نشانہ بنایا۔ جھنگ بازار کے علاقہ لیاقت ٹاؤن میں محسن کے بیٹے 11 سالہ شیری کو شرابیوں توصیف، ہاشم اور عثمان وغیرہ چار افراد نے ہاشم کے ڈیرہ پر لے جا کر شراب پی کر زبردستی اجتماعی زیادتی کی۔قائد آباد میں اترا کے محلہ کمال پورہ کے ملزم بلال نے اپنے پڑوسی رشتہ دار محمد احسان کمہار کے بیٹے عیان سے زیادتی کی۔جھنگ میں موضع چیلہ کے ظفر اقبال نے الزام لگاتے بتایا محمد اقبال نے مبینہ طور پر اس کے 8 سالہ بیٹے کو زیادتی کا نشانہ بنا ڈالا۔
