ٹی ٹونٹی بلائنڈ کرکٹ ٹرافی، لاہور، اسلام آباد کی ٹیمیں بھی سیمی فائنل میں پہنچ گئی
لاہور (سپورٹس رپورٹر) پاکستان بلائنڈ کرکٹ کونسل ٹی ٹونٹی لائنڈ کرکٹ ٹرافی 2016ء کے سیمی فائنل میچز آج کھیلے جائیں گے۔ گروپ بی کے میچز میں سے لاہور اور اسلام آباد کی ٹیموں نے سیمی فائنل میںرسائی بنائی۔ اسلام آباد اور میزبان لاہور کی ٹیموں کے درمیان میچ کھیلا گیا ‘ لاہور کی ٹیم نے 8 وکٹوں سے کامیابی اپنے نام کی۔ بہاولپور نے کوئٹہ کو 8 وکٹوں سے مات دی۔ تیسرا میچ اوکاڑہ اور ینگ سٹار کی ٹیموں کے درمیان کھیلا گیاجو اوکاڑہ نے 9 وکٹوں سے جیت لیا۔ فیصل آباد کی ٹیم نے 4 وکٹوں پر 308 رنز سکور کیے، ایبٹ آباد کی ٹیم نے ہدف 2 وکٹوں پورا کر کے میچ 8 وکٹوں سے جیت لیا۔ فاتح ٹیم کی جانب سے ریاست علی نے 190 رنز سکور کیے۔
