لاہور (سپورٹس رپورٹر) اسفندیار خان نے نیکسٹ سپرنگ سمر 16 گالف ٹورنامنٹ جیت لیا۔ 18 ہولز کے ایونٹ میں اسفندیار نے 61 نیٹ سکور کے ساتھ اول پوزیشن اپنے نام کی جبکہ اسامہ شیخ 68 نیٹ سکور کے ساتھ دوسرے اور خواجہ جہانزیب ایک سکور کے فرق سے تیسرے نمبر پر رہے۔ گراس کیٹگری میں سردار مراد 74 سکور کے ساتھ پہلے، سلمان جہانگیر دوسرے جبکہ ولید زبیر تیسرے نمبر پر رہے۔ سینئر کیٹگری میں جاوید اے خان پہلے اور شعیب بخاری رنر اپ رہے۔ ویٹرنز 80 سال سے زائد کیٹگری میں ڈاکٹر پروفیسر لطیف چوہدری پہلے نمبر پر رہے۔ ویٹرنز 70 سے 80 سال کی کیٹگری کے گراس میں ڈاکٹر ظفر عزیز پہلے، ہمایوں راشد دوسرے نمبر پر رہے۔ نیٹ میں فاروق اے خان پہلے اور جاوید حمید دوسرے نمبر پر رہے۔