بھارت: کشمیری طالبات کو سکارف پہن کر میڈیکل کے داخلہ ٹیسٹ میں شرکت سے روکدیا گیا
نئی دہلی (این این آئی)نئی دہلی میں کشمیری طالبات کو سکاف پہن کر آل انڈیا پری میڈیکل ٹیسٹ دینے کی اجازت نہیں دی گئی ۔ کشمیر میڈیا سروس کے مطابق طالبات نے سرینگر میں صحافیوں کو بتایا کہ انہیں سکارف اتا ر کر امتحان میں بیٹھنے پر مجبور کیاگیا جس سے ان کے مذہبی جذبات بری طرح مجروح ہوئے۔ امتحان میں شرکت کرنے والی ایک طالبہ نے بتایا کہ انہیں سکارف اور ہیئر کلپ اتار کر امتحان دینے کیلئے کہاگیا، جس کے خلاف انہوںنے احتجاج کیا تو انہیں نظم و ضبط برقرار رکھنے کےلئے کہاگیا۔ انہوںنے کہاکہ انہیں بتایاگیا تھاکہ وہ سکارف میں چھپا کر کوئی بھی چیز امتحان میں مدد کیلئے لاسکتی ہیں لہٰذا انہیں سکارف کے بغیر امتحان دینا ہو گا ۔
کشمیر طالبات سکارف
