لاہور(سپورٹس رپورٹر+نمائندہ سپورٹس) انٹرنیشنل کرکٹ کونسل نے سالانہ ٹیسٹ رینکنگ جاری کردی ہے۔جس کے مطابق آسٹریلیا بدستور سرفہرست، جبکہ پاکستان تیسرے نمبر پر آگیا ہے۔آئی سی سی کے سالانہ ٹیسٹ رینکنگ کے مطابق آسٹریلیا 32میچز کھیل کر 118 ریٹنگ کیساتھ پہلے، بھارت 20 میچز کھیل کر 112 ریٹنگ کیساتھ دوسرے اور پاکستان 20 میچز کھیل کر 111 ریٹنگ کیساتھ تیسرے نمبر پر موجود ہے۔بقیہ ٹیموں میں انگلینڈ 32 میچز کھیل کر 105 ریٹنگ کیساتھ چوتھے، نیوزی لینڈ 25 میچز کھیل کر 98 ریٹنگ کیساتھ پانچویں، جنوبی افریقہ 22 میچز کھیل کر 92 ریٹنگ کیساتھ چھٹے، سری لنکا 24 میچز کھیل کر 88 ریٹنگ کیساتھ ساتویں، ویسٹ انڈیز 21 میچز کھیل کر 65 ریٹنگ کیساتھ آٹھویں اور بنگلہ دیش 12 میچز کھیل کر 57 ریٹنگ کیساتھ نویں نمبر پر موجود ہے۔واضح رہے کہ ٹیسٹ میں اچھی کارکردگی کے باعث پاکستان چوتھے سے تیسرے اور انگلینڈ پانچویں سے چوتھے نمبر پر آیا ہے جبکہ ٹیسٹ رینکنگ میں سرفہرست رہنے والی جنوبی افریقہ تیسرے سے چھٹے نمبر پر پہنچ گیا ہے۔