لاہور(نمائندہ سپورٹس رپورٹر+ سپورٹس رپورٹر) سابق ٹی 20 کپتان شاہد آفریدی نے کہا ہے کہ وہ جتنا اللہ نے ٹیلنٹ دیا اس حساب سے پرفارمنس نہیں دے پائے ، انکی خواہش ہے کہ نوجوانوں کے لیے کرکٹ اکیڈمی قائم کر سکیں۔کیریئرمیں بڑے ناموں کے ساتھ کھیلنے کا خواب پورا ہوا۔ وہ اتنا عرصہ پاکستان کے لیے کھیلیں گے انہوں نے کبھی نہیں سوچا تھا۔ جتنا اللہ نے ٹیلنٹ دیا اس حساب سے پرفارمنس نہیں دے پائے۔آفریدی کے مطابق پاکستانی ٹیم کی کپتانی کرنا پھولوں کی سیج نہیں۔ وہ چاہتے تھے کہ ایک اچھی ٹیم بنا کر کپتانی سے دستبردار ہوں لیکن کھلاڑی عوام اور انکی امید وں پر پورا نہیں اتر پائے۔شاہد آفریدی نے آسٹریلیا کے خلاف 2004 میں کھیلی جانے والی اننگز کو یاد گار قرار دیا۔ سابق ٹی 20 کپتان کا کہنا تھا کہ وہ مستقبل میں کرکٹ کھیلتے رہیں گے اور انکی خواہش ہے کہ وہ نوجوانوں کے لیے کرکٹ اکیڈمی بنا سکیں۔