ریاض (اے پی پی) شاہ سلمان بن عبدالعزیز آل سعود اپنے چھوٹے صاحبزادے شہزادہ راکان کی دارالحکومت ریاض کے سکینڈری سکولوں میں شاندار کامیابی پر اپنی خوشی ضبط نہ کرسکے اور بھری محفل میں بیٹے کی شاندار تعلیمی کارکردگی پر ان کی آنکھوں سے خوشی کے آنسو جاری ہوگئے۔ سعودی ذرائع ابلاغ کے مطابق ریاض میں سکینڈری سکول سے فارغ التحصیل ہونے والے طلباء طالبات کے اعزازمیں منعقدہ تقریب میں دیگر بچوں کے والدین کی طرح شہزادہ راکان کی طرف سے ان کے والد بزرگوار شاہ سلمان بن عبدالعزیز نے شرکت ۔شاہ سلمان نے تقریب سے خطاب کرتے ہوئے کہا کہ ’میں یہاں صرف راکان کے والد کی طرف سے نہیں بلکہ تمام بچوں کے والدین کی حیثیت سے حاضر ہوا ہوں۔