واشنگٹن (نوائے وقت نیوز + نمائندہ خصوصی) امریکہ کے صدارتی انتخابات لڑنے کے خواہش مند ڈونلڈ ٹرمپ نے کہا ہے کہ دہشت گردی کے خلاف جنگ میں مسلمان ممالک کے ساتھ مل کر کام کروں گا، عارضی طور پر مسلمانوں کے امریکہ میں داخلے پر پابندی کی تجویز سے پیچھے نہیں ہٹا، انہوں نے مزید کہا کہ جان کیسک کا صدارتی امیدوار کی دوڑ سے دستبردار ہونا اچھا فیصلہ ہے، ایک انٹرویو میں ٹرمپ نے کہا کہ میں صدارتی انتخاب میں ہلیری کلنٹن کو ہرانے کیلئے ایک ارب ڈالر کا فنڈ جمع کروں گا۔ دریں اثنا بش سینئر اور بش جونیئر نے ٹرمپ کی حمایت سے انکار کردیا ہے۔