لاہور (نمائندہ سپورٹس) انٹرنیشنل سکواش چیمپئن شپ کے مین رائونڈ کے دوسرے روز بڑے اپ سیٹ ہوئے۔ ٹاپ سیڈ نمبر ون فرحان زمان کوارٹرفائنل میں لاہور کے اسرار احمد سے ہار گئے جبکہ ٹاپ سیڈ نمبر دو طیب اسلم وائلڈ کارڈ انٹری والے عماد فرید سے ہار کر ٹورنامنٹ سے باہر آگئے۔ پہلے کوارٹرفائنل میں دلچسپ مقابلے کے بعد اسرار احمد نے نمبر ون ٹاپ سیڈ فرحان زمان کو 12-14, 11-13, 11-3, 11-3, 11-6 سے ہرا کر سب کو حیران کردیا۔ دوسرے کوارٹرفائنل میں فرحان محبوب نے رئیس خان کو 11-7, 11-4, 11-6 سے شکست دی جبکہ تیسرے کوارٹرفائنل میں وقار محبوب نے فراز محمد کو 11-9, 11-6, 3-11, 11-5 سے ہرا کر سیمی فائنل کیلئے کوالیفائی کیا۔ چوتھے اور آخری کوارٹرفائنل میں احمد فرید نے ٹاپ سیڈ نمبر دو طیب اسلم کو زبردست مقابلے کے بعد 11-7, 13-11, 9-11, 7-11, 11-8 سے ہرایا۔ یہ میچ 86 منٹ تک چلا۔ اس طرح آج پہلا سیمی فائنل اسرار احمد اور فرحان محبوب کے درمیان جبکہ دوسرا سیمی فائنل وقار محبوب اور عمادفرید کے درمیان ہوگا۔ اسرار احمد نے کہا کہ ٹاپ سیڈ کو ہرا کر بہت خوشی ہوئی۔ ایف ایم سی کا شکریہ جنہوں نے یہ موقع دیا۔