لاہور (سپورٹس رپورٹر+ نمائندہ سپورٹس) چوتھی ایف ایم سی انٹرنیشنل سکواش چیمپئن شپ 2016ء کا فائنل آج فرحان محبوب اور وقار محبوب کے درمیان ہوگا۔ سیمی فائنل میں اسرار احمد نے فرحان محبوب کا مقابلہ تو ڈٹ کر کیا مگر فیورٹ فرحان محبوب نے شاندار کھیل پیش کرتے ہوئے اسرار احمد کی ایک نہ چلنے دی اور میچ جیت لیا۔ فرحان محبوب نے31 منٹ میں-3 11-5, 12-10, 11 سے ہرایا۔ دوسرے میچ میں وقار محبوب نے بھی عماد فرید کی ایک نہ چلنے دی ۔ وقار محبوب نے عماد فرید کو 11-7, 11-9, 11-5 سے ہراکرفائنل کیلئے کوالیفائی کیا۔