میڈرڈ ( سپورٹس ڈیسک) سٹار بھارتی پلیئر ثانیہ مرزا اور مارٹینا ہنگس میڈرڈ اوپن ٹینس ٹورنامنٹ ویمنز ڈبلز فائنل میں پہنچ گئیں۔ میڈرڈ میں جاری ایونٹ میں گزشتہ روز کھیلے گئے ویمنز ڈبلز ایونٹ کے سیمی فائنل میں ثانیہ مرزا اور ان کی سوئس جوڑی دار مارٹینا ہنگس نے عمدہ کارکردگی کا مظاہرہ کرتے ہوئے کنگ اور کڈری ٹسوا کو با آسانی سٹریٹ سیٹس میں 6-2 اور 6-0 سے زیر کر کے فائنل میں پہنچنے کا اعزاز حاصل کیا، فائنل میں مرزا اور ہنگس کا مقابلہ کیرولین گارسیا اور ملاڈینووچ سے ہو گا جنہوں نے سیمی فائنل میں ایلینا ویسنینا اور ایکامکارووا کی جوڑی کو شکست دی تھی۔