کراچی: پولیس پر حملوں میں ملوث دو دہشتگردوں سمیت 5 ملزم گرفتار
کراچی (آئی این پی )کراچی کے ضلع سینٹرل سے ٹریفک پولیس اہلکاروں پر حملوں میں ملوث دو دہشتگردوں کو گرفتار کر لیا گیا۔ کورنگی میں شہریوں نے 2 ڈاکوو¿ں کو پکڑ کر تشدد کا نشانہ بنانے کے بعد پولیس کے حوالے کر دیا۔ محمودآباد سے بھتہ خور پکڑا گیا۔ قانون نافذ کرنے والے اداروں نے ضلع سینٹرل میں کارروائی کر کے ٹریفک پولیس اہلکاروں پر حملوں میں ملوث دو دہشتگردوں فہیم الحق اور عبید کو گرفتار کر لیا۔ دہشتگردوں کا تعلق کالعدم لشکر جھنگوی سے ہے جبکہ انھوں نے ٹریفک پولیس اہلکاروں پر چھ حملوں کا اعتراف کر لیا ہے۔ حملوں کے دوران چار اہلکار جاں بحق اور پانچ زخمی ہو گئے تھے۔ کراچی کے علاقے کورنگی سے شہریوں نے 2 ڈاکوو¿ں کو رنگے ہاتھوں پکڑ کر تشدد کا نشانہ بنانے کے بعد پولیس کے حوالے کر دیا۔ پولیس حکام کا کہنا ہے کہ دونوں ڈاکو متعدد ڈکیتی اور اسڑیٹ کرائم کی وارداتوں میں ملوث ہیں۔ محمودآباد میں پولیس نے بھتہ خور کو گرفتار کر کے اسلحہ برآمد کر لیا۔
کراچی
