لاہور(کلچرل رپورٹر ) اداکارہ میرا نے کہا ہے کہ بھارتی فلم انڈسٹری بہت بڑی ہے ،دہلی فلم فیسٹیول میں میری فلم ’’ہوٹل‘‘ کو دوایواڈ ملے ہیں،میں پر امید ہوںکہ 13مئی کو میری فلم پاکستانی سینما گھر وں میں بھی اپنا سکہ جمائے گی،ان خیالات کا اظہار انہوں لاہور پریس کلب میں پریس کانفرنس کرتے ہوئے کیا،ان کے ہمراہ ان کی والدہ شفقت زہرا بھی موجود تھیں،انکا کہنا تھا پاکستانی فلم انڈسٹری میں ایک عرصے سے راویتی اور پرانی کہانیوں پر مبنی فلمیں بنائی جارہی ہیں تاہم فلم ’’ہوٹل‘‘ عام موضوعات سے ہٹ کر ہے۔اس میں میرا کردار گلیمرس تو نہیں لیکن بہت منفرد اور خوبصورت ہے۔فلم کی پاکستان میں نمائش کے بعد مختلف ممالک میں ریلیز کی جائے گی۔فلم کے ہدایت کار خالد حسن نے اس پر بڑی محنت کی ہے ۔یہ میری زندگی کی بہترین فلم ثابت ہوگی۔ قندیل بلوچ کو جانتی ہوں نہ مجھے پاناما لیکس کے بارے علم ہے۔ پاکستانیوں سے اپیل ہے کہ وہ اس کو ضرور دیکھیں۔ہم بھارتی فلم انڈسٹری کا مقابلہ نہیں کرسکتے اگر ہم اچھی فلمیں بنائیں تو ان کا مقابلہ کرسکتے ہیں اس حوالے فلم سازوں اور ہدایت کاروں کا اپنا کردار ادا کرنا ہو گا۔