کراچی (نوائے وقت رپورٹ) دبئی سے گرفتار سیاسی جماعت کے ٹارگٹ کلر سعید بھرم نے مختلف علاقوں میں قتل کی 50وارداتوں کا انکشاف کیا ہے۔ تفتیشی ذرائع کے مطابق سعید بھرم نے بتایا کہ بھارت، ملائیشیا اور دبئی میں سیاسی جماعتوں کے کارکنوں سے ملاقاتیں کیں۔ اجمل پہاڑی، قاضی منہاج اور رئیس ماما سے دوستی تھی۔ مختلف علاقوں میں زمینوں پر قبضہ کیا۔ سعید بھرم آفاق احمد کی گاڑی پر فائرنگ میں بھی ملوث ہے۔ سعید بھرم سے ’’را‘‘ سے تعلقات کی تفتیش کی جا رہی ہے۔