لاہور(خصوصی رپورٹر) سٹی فائونڈیشن ہائی سکول‘ رچنا ٹائون‘ شاہدرہ‘لاہورکے طلبا و طالبات اور اساتذہ کرام نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان‘ شاہراہِ قائداعظمؒ، کا مطالعاتی دورہ کیا اور تحریک پاکستان کی تصویری گیلری بھی دیکھی۔ دریں اثناء موبائل نظریاتی تعلیمی یونٹس نے دوقومی نظریہ پر لیکچر دینے کے لیے پاکستان ریلوے سکول‘ لیڈی گریفن‘سٹی ڈسٹرکٹ گورنمنٹ گرلز ہائی سکول‘ مزنگ اڈہ‘‘لارل بنک پبلک سکول‘ بوائز برانچ‘ داروغہ والا‘لاہور‘گورنمنٹ گرلز ہائی سکول‘ گرین ٹائون‘لاہور‘ گورنمنٹ گرلز مڈل سکول‘ بہاری کالونی‘ گرین ٹائون‘ٹونکل سکالرز‘ اندرون شاہ عالم گیٹ‘روزسکالرز ہائی سکول‘ اندرون شاہ عالم گیٹ کا وزٹ کیا۔ مستفید ہونے والے اساتذہ اور طلبہ کی مجموعی تعداد641تھی ۔