لاہور+ گوجرانوالہ+ حافظ آباد+ فیروز والہ (نامہ نگار+ نمائند گان) لاہور میں کئی وارداتیں، مزاحمت پر وارڈن پر تشدد، مبینہ پولیس مقابلے گوجرانوالہ میں ڈاکو ہلاک حافظ آباد میں ایک ڈاکو زخمی ہو گیا۔ تفصیلات کے مطابق صوبائی دارالحکومت کے مختلف علاقوں میں لاکھوں روپے کا مال لوٹ لیا جبکہ مزاحمت کرنے پر ٹریفک وارڈن کو تشدد کا نشانہ بنا ڈالاہے۔ ڈاکوؤں نے نواب ٹائون کے علاقہ میں شوکت خانم ہسپتال کے قریب دومو ٹرسائیکل سوار ڈاکو سڑک کنارے کھڑے موٹر سائیکل ٹھیک کر رہے تھے ٹریفک وارڈن اکبر نے ان کو ضرورت مند شہری سمجھ کر ان کی مدد کرنا چاہی تو دونوں موٹرسائیکل سوار ڈاکوؤں نے اسلحہ نکال کر اکبر کو یرغمال بنا کر اس سے 74 ہزار نقدی لوٹ لی اور مزاحمت کرنے پرٹریفک وارڈن اکبر کو تشدد کا نشانہ بنا ڈالا ۔ڈاکوؤں نے مغلپو رہ میںفیضان سے 5لاکھ روپے،فیصل ٹائون میں کاشف سے 3لاکھ روپے،نواں کوٹ میں ارشد سے دولاکھ45ہزار روپے اور موبائل بادامی باغ میں عثمان کے میڈیکل سٹور سے ایک لاکھ 20ہزار روپے اور موبائل فون،شفیق آباد میں عاصم کی دکان سے 46ہزار اور موبائل ،جوہرٹائون میں احمد سلطان سے 30ہزار اور موبائل ٹائون شپ میں سہیل سے 20ہزار اور موبائل ،شمالی چھائونی میں جہانزیب سے 9ہزار اور موبائل فونز لوٹ لئے۔ چوروں نے شالیمار سے عظمی ،مسلم ٹائون سے محبوب کی گاڑیاں جبکہ نولکھا سے قاسم،بادامی باغ سے نعمان،شفیق آباد سے وقاص،مزنگ سے سعادت،سمن آباد سے ماجدمسلم ٹائون سے وسیم،ٹائون شپ سے اصغر،نواب ٹائون سے ذیشان،ہنجروال سے ممتاز،ہربنس پو رہ سے امجد اور مناواں سے اورنگزیب کی موٹرسائیکلیں چوری کر لی ہیں۔ گوجرانوالہ سے نمائندہ خصوصی کے مطابق فرید ٹائون پر ناکہ لگاکر لوٹ مار کرنے والے ڈاکو کی اطلاع پولیس کو ملی جس پر سیٹلائٹ ٹائون پولیس موقع پر پہنچی تو ڈاکوؤں نے فائرنگ کر دی دو طرفہ فائرنگ سے متعدد مقدمات میں مطلوب عبدالرزاق کوڈو ہلاک جبکہ اس کا ساتھی رات کی تاریکی کا فائدہ اٹھا کر فرار ہو گیا۔ حافظ آباد سے نمائندہ نوائے وقت کے مطابق سکھیکی کے قریب مبینہ پولیس مقابلہ، خطرناک ڈاکو اپنے ہی ساتھیوں کی فائرنگ سے شدید زخمی ہو گیا رتیاں روڈ پر خطرناک ڈاکو بیٹھے تھے پولیس نے ریڈ کیا تو ملزمان نے فائرنگ کر دی اس دوران ڈاکوؤں کی فائرنگ سے مبینہ طور پر ان کا اپنا ایک ساتھ عمران شدید زخمی ہو گیا۔ علاوہ ازیں فیروز والہ سے نامہ نگار کے مطابق لاہور روڈ پر ہاؤسنگ کالونی کے قریب موٹرسائیکل سوار ڈاکوؤں نے بینک سے رقم نکلوا کر آنے والے شہری اویس علی سے ایک لاکھ روپے کی رقم چھین لی چوروں نے مختار احمد کے گھر سے ہزاروں روپے کا سامان چوری کر لیا چوروں نے شکیل کے گھر میں تالے توڑ کر ہزاروں روپے کا سامان چوری کر لیا ڈاکوؤں نے فلک شیر کی فیملی کو لوٹ لیا ڈاکو نقدی اور زیورات لوٹ کر فرار ہو گئے۔