گجرات (نامہ نگار) حساس اداروں نے گلیانہ میں سرچ آپریشن کرکے 11 مشتبہ افراد کو گرفتار کرلیا۔ تفصیلات کے مطابق گجرات کے حلقہ این اے 107 کی تحصیل کھاریاں کے علاقے گلیانہ میں سرچ آپریشن کے دوران 11 مشتبہ افراد کو گرفتار کر لیا گیا جن میں 7 افغانی بھی شامل ہیں۔ ان سے بھاری مقدار میں اسلحہ برآمد کر لیا گیا۔ یاد رہے کہ دو ہفتے قبل بھی اسی حلقہ کی تحصیل سرائے عالمگیر میں آپریشن کے دوران دو درجن سے زائد افراد کو گرفتار کیا گیا تھا۔