کراچی (نمائندہ نوائے وقت)کراچی کے علاقے گلشن اقبال میں ڈکیتی مزاحمت کے دوران لاڑکانہ پریس کلب کے صدر بابو اقبال اپنے بھائی سمیت زخمی ہوگئے ہیں۔وزیراعلیٰ سندھ اور وزیر داخلہ اور مشیراطلاعات نے پولیس حکام سے رپورٹ طلب کرلی۔ تفصیلات کے مطابق ہفتہ کی صبح بلاک 13 سی میں رہائش پذیر لاڑکانہ پریس کلب کے صدر بابو اقبال کے گھر میں3 نامعلوم ڈاکو داخل ہو ئے، مزاحمت پر فائرنگ کر دی جس سے بابو اقبال اور ان کا بھائی شکیل زخمی ہو گئے جبکہ ڈاکو گھر سے نقدی اور قیمتی اشیا لوٹ کر فرار ہو نے میں کامیاب ہو گئے۔