گوجرانوالہ (نمائندہ خصوصی) پولیس نے بارہویں جماعت کے طالبعلم کو منشیات فروشی کے الزام میں گرفتار کر کے تشدد کا نشانہ بنا ڈالا، حالت غیر ہونے پر طالبعلم کو ہسپتال منتقل کر دیا گیا، جناح روڈ پولیس نے منشیات فروشی کے الزام میں بارہویں جماعت کے طالب علم حسنین کو گرفتار کرکے اسے مبینہ طور پر وحشیانہ تشدد کا نشانہ بنایا، جس کے باعث اسکی حالت غیر ہو گئی ، پولیس نے حسنین کو تشویشناک حالت میں ڈسٹرکٹ ہیڈ کوارٹر ہسپتال منتقل کیا جہاں اسے طبی امداد فراہم کی جارہی ہے۔ دوسری جانب حسنین حیدر کی والدہ ہسپتال میں واویلا کرتی رہی کہ اسکا بیٹا بے قصورہے۔