لاہور (سپورٹس رپورٹر+نمائندہ سپورٹس) 6رکنی قومی سنوکر ٹیم ایشین سکس ریڈ اینڈ ٹیم ایونٹ سنوکر چیمپئن شپ میں شرکت کیلئے گزشتہ روز ابوظہبی پہنچ گئی۔ پاکستان بلیئرڈ اینڈ سنوکر ایسوسی ایشن کے صدر عالمگیر شیخ کے مطابق چیمپئن شپ آج بدھ سے ابوظہبی میں شروع ہو گی جس میں 4کھلاڑی اور 2آفیشلز پاکستان کی نمائندگی کر رہے ہیں۔ کھلاڑیوں میں بابر مسیح، محمد بلال، اسجد اقبال اور محمد آصف شامل ہیں ۔