لاہور(سپورٹس رپورٹر+نمائندہ سپورٹس)پی سی بی انڈر16کرکٹ ٹورنامنٹ کے میچ میں لاہور نے آزاد جموں کشمیر کو ہرا کر اپنے گروپ میں پہلی پوزیشن حاصل کر لی۔ لاہور ریجن نے پہلی اننگز152 رنز تین کھلاڑی آئوٹ پر دوبارہ آغاز کیااور نو کھلاڑیوں کے نقصان پر202 رنز بنا کر اننگز ڈکلیئر کر دی۔ لاہور ریجن کو پہلی اننگز میں46 رنز کی برتری حاصل ہوئی۔ آزادکشمیر نے دوسری اننگز شروع کی تو اس کے تمام کھلاڑی 79 رنز بنا کر آئوٹ ہو گئے۔ لاہور کی ٹیم کو میچ جیتنے کیلئے34 رنز کا ہدف ملا جو انہوں نے بغیر کسی نقصان کے حاصل کر لیا۔