گیلونگ(آئی این پی) آسٹریلیا کے شہر گیلونگ کی قدیم مسجد کو آگ لگ گئی، آتشزدگی کے باعث مسجد کی چھت منہدم ہوگئی، عمارت کو شدید نقصان پہنچا،پولیس نے واقعے کی تحقیقات شروع کردی ہے۔غیر ملکی میڈیاکے مطابق آسٹریلیا کی ریاست وکٹوریہ کے شہر گیلونگ کی قدیم مسجد میں اچانک آگ لگ گئی۔ عینی شاہدین کا کہنا ہے پہلے زوردار دھماکہ ہوا جس کے بعد مسجد شعلوں میں گھری نظر آئی۔آتشزدگی سے مسجد کی چھت مکمل طور پر منہدم ہوگئی۔عمارت کو شدید نقصان پہنچا تاہم کوئی جانی نقصان نہیں ہوا۔مسجد کے امام کا کہنا تھا آتشزدگی کا واقعہ حیران کن ہے۔ تئیس سال سے قائم مسجد گیلونگ کے آٹھ ہزار مسلمانوں کی نمائندہ ہے،کبھی کسی قسم کی دھمکیاں نہیں ملیں۔پولیس نے آتشزدگی کا شکار عمارت کو مخدوش قرار دیکر تحقیقات شروع کردی ہیں۔