اسلام آباد (صباح نیوز+ نوائے وقت رپورٹ) وفاقی وزیراطلاعات پرویزرشید کا کہنا تھا کہ قائد حزب اختلاف خورشید شاہ نے کھل کر وضاحت فرما دی کہ اپوزیشن کی جانب سے پیر کو پارلیمنٹ سے واک آئوٹ کیا گیا اور نہ ہی کیٹ واک اور اپوزیشن لیڈر نے جو کچھ کہا ہم اسے تسلیم کرتے ہیں۔ پرویزرشید نے کہا کہ وزیراعظم 2روز قبل ایوان میں تشریف لائے۔ انہوں نے اپنی بات کہی اور سب ان کی بات سننے کے لیے بیٹھے رہے لیکن اپوزیشن ایوان سے واک آئوٹ کرگئی اور اس حوالے سے قائد حزب اختلاف خورشید شاہ نے کھل کر وضاحت فرما دی کہ نہ ہی پیر کے روز پارلیمنٹ سے واک آئوٹ کیا گیا اور نہ ہی کیٹ واک تاہم ہم منتظر تھے کہ اپوزیشن بات کرے اور ہم انہیں سنیں۔ پرویزرشید نے عمران خان پر تنقید کرتے ہوئے کہا کہ یہ بہت جلدی میں ہیں۔ خورشید نے پرویز رشید کے جملے کا جواب دیتے ہوئے کہاکہ کیٹ آپ تھے واک ہم نے کی سپیکر نے دونوں کے جملوں کو کارروائی سے حذف کرا دیا۔