شیخوپورہ/ ننکانہ/ فیصل آباد/ پاکپتن (نامہ نگار خصوصی+ نامہ نگار+ نمائندہ نوائے وقت+نمائندہ خصوصی) شیخوپورہ‘ ننکانہ‘ فیصل آباد‘ پاکپتن میں گونگی بہری سمیت 3خواتین‘ 2بچوں سے زیادتی کی گئی۔ تفصیلات کے مطابق محلہ فاروق نگر کی خاتون نذیراں بی بی کی 15سالہ بیٹی (ک) کو ایک اسلم نے اپنے چار ساتھیوں کی مدد سے گھر کے باہر سے زبردستی اغواء کرلیا اور گوجرانوالہ روڈ پر لیجا کر زیادتی کی عالمگیر روڈ شمع چوک سے دن دیہاڑے ایک محنت کش علی رضا کی جواں سالہ بیٹی (ی) کو نامعلوم ملزمان نے اغواء کرلیا‘ چٹی کوٹھی روڈ پر بھی ایک کھاد ڈیلر کے بھتیجے طلٰہ کو رقم کے لین دین کے تنازعہ پر ملزمان نزاکت علی اور لیاقت علی وغیرہ نے اغواء کرلیا۔ ننکانہ میں گائوں فریدآنہ کے رہائشی شوکت علی نے تھانہ صدر ننکانہ میں درج کروائی جانیوالی ایف آئی آر میں الزام عائد کیا ہے میری گونگی بہری بیٹی ملائیکہ بی بی کی شادی ظفر اقبال سے ہوئی تھی ظفر اقبال رائے پپو کے پاس ملازم تھا‘ ظفر اقبال اور اس کی والدہ میری بیٹی ملائیکہ بی بی کو بہانے سے رائے پپو کے پاس لے گئے جہاں ملزم رائے پپو نے میری گونگی بہری بیٹی کے ہاتھ پائوں باندھ کر اسے زبردستی زیادتی کر ڈالی‘ پولیس تھانہ صدر ننکانہ نے زیادتی کا شکار ہونے والی خاتون کے والد شوکت علی کے مدعیت میں ملزم رائے پپو کے خلاف زیاتی اور خاتون کے خاوند اور اس کی ساس کے خلاف زیادتی میں مدد کرنے کے الزام میں مقدمہ درج کر کے ملزمان کی گرفتاری کے لئے چھاپے مارنے شروع کردئیے ہیں۔ علاوہ ازیں گونگی بہری بیوی کو زمیندار کی ہوس کی بھینٹ چڑھانے والے خاوند کیخلاف بھی مقدمہ درج گرفتاری کے ڈر سے ملزمان نے عبوری ضمانتیں کروائیں۔ فیصل آباد کے چک نمبر 202ر ب کے امین کا بارہ سالہ بیٹا اشرف گلی میں کھیل رہا تھا اوباش وسیم نے زیادتی کا نشانہ بنا دیا۔ تھانہ ماموں کانجن کے چک نمبر 496گ ب کی خاتون کوثر بی بی کی جواں سال بیٹی (ر) جو گھر میں اکیلی تھی ندیم زبردستی گھر میں داخل ہو گیا اور اس نے لڑکی کو ڈرا دھمکا کر زیادتی کا نشانہ بنا دیا۔ پاکپتن کے گاؤں بائیل گنج کے محمد احمد کے گھر اوباش محمد تاج آیا اور اس کے چھوٹے 13سالہ بھائی حسن علی کو بنگہ حیات لے گیا اور زیادتی کا نشانہ بنا ڈالا۔