اسلام آباد (نمائندہ نوائے وقت) سپریم کورٹ بار ایسوسی ایشن نے پانامہ لیکس کے معاملے پر آل پاکستان وکلاء کا گرینڈ اجلاس طلب کر لیا۔ گرینڈ اجلاس آج بروز ہفتہ صبح گیارہ بجے سپریم کورٹ بار کمپلیکس میں ہو گا۔ سپریم کورٹ بار ایسوسی ایشن نے پاناما لیکس، کرپشن کے معاملے پر آل پاکستان وکلاء کا گرینڈ اجلاس طلب کرلیا ہے۔ اجلاس میں ملک بھر سے بار کونسلز کے نمائندے، وکلاء شریک ہونگے، گرینڈ اجلاس میں پاکستان بار کونسل اور سپریم کورٹ بار پانامہ کے خلاف مشترکہ لائحہ عمل طے کریں گی۔ وکلائ، سیاستدان، ججز سمیت سب کے احتساب کی بھی قرارداد لائیں گے۔