لاہور + گوجرانوالہ + فیروزوالا (نامہ نگار + نمائندگان) لاہور میں لاکھوں کی وارداتیں، گوجرانوالہ میں مزاحمت پر نوجوان کو قتل کر دیا۔ تفصیلات کے مطابق ڈاکوؤں نے ڈیفنس کے رہائشی کلیم احمد کے گھر سے 7 لاکھ روپے مالیت، ہربنس پورہ کے عبد القیوم کے گھر سے 5لاکھ روپے کی نقدی، طلائی زیورات،موبائل فون اور دیگر سامان،ریس کورس گڑھی شاہو میں ایک موبائل فون کی فرنچائز میں گھس کر گن پوائنٹ پر 5لاکھ روپے نقدی، اسلام پو رہ میں حسن سے 95ہزارروپے اور موبائل فون،شاہدرہ میں عثمان سے87ہزارروپے اور موبائل فون،ڈیفنس اے میں پرویز سے 85ہزار اور موبائل، ہربنس پو رہ میں عادل سے75ہزار اور موبائل، ہنجروال میں فیصل سے 70ہزار اور موبائل، لٹن روڈ میں عمار سے 68ہزار اور موبائل، نواں کوٹ میں طارق سے59 ہزار اور موبائل، مصری شاہ میں قدیر سے 52ہزار اور موبائل فونز لوٹ لئے۔ چوروں نے فیکٹری ایریا میں سے شہزاد،جوہرٹاؤن سے مستقیم ،شاہدرہ سے عابد کی کاریں جبکہ اسلام پو رہ میں سے بلند،شاہدرہ میں سنی،مغلپو رہ میں احمد،نواب ٹائون میں عاصم ،سندر میں اشفاق،جنوبی چھائونی میں اسحاق،غازی آباد میں عمران ، نیو انارکلی میں سے علی کی مو ٹرسائیکلیں چوری کر لی ہیں۔ علاوہ ازیں چوروں نے سمن آباد کے علاقہ چھپڑ سٹاپ کے قریب سے روزنامہ نوائے وقت کے سینئر آرٹ ڈیزائنر حفاظت اللہ خان کے بیٹے محمد عمیر خان کی موٹر سائیکل چوری کر لی۔ گوجرانوالہ سے نمائندہ خصوصی کے مطابق ڈاکوئوں نے مزاحمت پر نوجوان کوفائرنگ کرکے قتل کردیا۔ تھانہ اروپ کے علاقہ میںواقع گارڈن ٹائون کے نزدیک دو ڈاکوئوں نے جمشید اقبال کو روک کر لوٹنے کی کوشش کی مزاحمت پرڈاکوئوں نے فائرنگ کرکے اسے زخمی کردیااوراس کی موٹرسائیکل چھین کرفرار ہوگئے۔ جمشید زخموں کی تاب نہ لاتے دم توڑ گیا نعش کوضروری کارروائی کے بعد ورثاکے حوالے کردیاگیا ہے۔فیروزوالا سے نامہ نگار کے مطابق ونڈالہ دیال شاہ نہر پر ڈاکوئوں نے موٹر سائیکل سواریامین کو روک کر لوٹ لیا اس کے پائوں کے درمیان گولی مار کر اسے خوف زدہ کرکے موٹر سائیکل اور نقدی چھین لی۔ چوروں نے اشفاق اور قلندر خان کے لاکھوں روپے کے مویشی چوری کر لئے۔ ڈاکوئوں نے کار سوار عمران اس کی بیوی کو لوٹ لیا۔ ڈاکو چھ لاکھ روپے کے زیورات اور 70 ہزار روپے کی رقم، موبائل چھین کر لے گئے۔ نامعلوم افراد نے عدنان اور شاہد اشرف کی موٹر سائیکلیں چوری کر لیں۔ ڈاکوئوں نے گن پوائنٹ پر عرفان سے 6 ہزار اور موبائل چھین لیا ڈاکوئوں نے سگریٹ ساز کمپنی کے ٹرک پر سے 70 کاٹن سگریٹ اتار لئے۔