لاہور(نمائندہ سپورٹس+سپورٹس رپورٹر )ایشین سنوکر چیمپئن شپ کے ٹیم ایونٹ میں پاکستانی ٹیموں نے عراق، سعودی عرب، متحدہ عرب امارات اور بحرین کو شکست دے دی۔ابوظہبی میں کھیلی جارہی ایشین سنوکر چیمپئن شپ کے ٹیم ایونٹ میں پاکستان ون اورپاکستان ٹو کی ٹیموں نے اپنے ابتدائی میچز میں کامیابی حاصل کرلی۔پاکستان ون کی ٹیم نے پہلے مقابلے میں عراق کو 2 کے مقابلے میں 3 فریم سے شکست دی۔ دوسرے میچ میںمتحدہ عرب امارات کی ٹیم کو 1 کے مقابلے میں 3 فریم سے زیرکیا۔ پاکستان ٹو کی ٹیم نے پہلے میچ میں سعودی عرب اور دوسرے میں بحرین کو 3 صفر سے ہرادیا۔