کوئٹہ (بیورو رپورٹ + نوائے وقت رپورٹ) مستونگ میں ایف سی اور حساس اداروں نے کارروائی کرتے ہوئے لیویز اہلکار کی گاڑی سے بڑی تعداد میں اسلحہ اور راؤنڈز برآمد کرلئے گئے اور اہلکار کو گرفتار کر لیا گیا۔ سکیورٹی ذرائع کے مطابق جمعرات کو مستونگ میں ایف سی اور حساس اداروںنے کارروائی کرتے ہوئے لیویز اہلکار عبداللہ کی گاڑی سے بڑی تعداد میں اسلحہ اور راؤنڈز برآمد کرکے اسے گرفتار کرلیا۔ گاڑی سے 5000ایس ایم جی راؤنڈز دو عدد ایس ایم جی، 9میگزین، 8250مختلف اقسام کے راؤنڈز ایک 7ایم ایم ایک ٹی ٹی پستول 798چائنا پسٹل کے راؤنڈ 158مختلف اقسام کی سکریپ بندوقیں برآمد کی گئی ہیں گرفتار لیویز اہلکار سے تحقیقات جاری ہے۔