اسلام آباد (نمائندہ نوائے وقت) سپریم کورٹ نے افواج پاکستان کے تجارتی سرگرمیوں میں مبینہ کردار کے حوالے سے دائر درخواست خارج کر دی ہے۔ جسٹس اعجاز افضل خان کی سربراہی میں جسٹس قاضی فائز عیسیٰ پر مشتمل دو رکنی بنچ نے جمعرات کے روز درخواست کی سماعت کی تو درخواست گزار عدالت میں موجود نہ تھے جبکہ ڈپٹی اٹارنی جنرل نے وزارت دفاع کی جانب سے جواب پیش کیا کہ افواج پاکستان کسی تجارتی سرگرمی میں ملوث نہیں ہیں۔