کراچی (سٹاف رپورٹر) وزیراعلی سندھ سیدقائم علی شاہ نے گزشتہ روز ایدھی سنٹر میٹھادر میں معروف سماجی شخصیت عبدالستار ایدھی کی عیادت کی۔ اس موقع پر عبدالستار ایدھی کی اہلیہ بلقیس ایدھی اور بیٹے فیصل بھی موجود تھے۔ وزیراعلی نے عبدالستار ایدھی کی جلد صحت یابی کیلئے دعا کی۔ملاقات کے بعد میڈیا سے گفتگو میں قائم علی شاہ نے کہاکہ عبدالستارایدھی انسانیت کے بڑے محسن ہیں اور ہماری دعا ہے کہ وہ جلد ازجلد صحت یاب ہوکرانسانیت کی خدمت کے اپنے مشن میں دوبارہ مشغول ہوجائیں۔وزیراعلیٰ نے اس موقع پروزیراعظم میاں نوازشریف کی صحت کے حوالے سے پوچھے گئے ایک سوال کے جواب میں کہاکہ وزیراعظم سے سیاسی اختلاف اپنی جگہ لیکن دعا ہے کہ وہ بھی جلد صحت یاب ہوں۔
وزیراعلی سندھ / عیادت