فیصل آباد (نمائندہ خصوصی) وزیر مملکت پانی و بجلی عابد شیر علی نے کہا ہے کہ عمران خان کو اورنج ٹرین اور صحت کے منصوبوں سے بہت تکلیف ہے۔ میڈیا سے گفتگو میں انہوں نے کہا کہ ہم اپوزیشن کی تنقید کو مثبت انداز میں لیتے ہیں لیکن غیر ملکی اشارے پر پاکستان کا امن تباہ کیا جارہا ہے۔ عمران خان عدم استحکام پیدا کرنا چاہتے ہیں۔ ہم ملک میں جمہوریت کیلئے جدوجہد کرنے والوں کا احترام کرتے ہیں۔ بے نظیر بھٹو کا پاکستان کی سیاست میں بہت اہم مقام ہے۔ بلاول بھٹو زرداری ابھی بچہ ہے اور بچوں کی بات کا برا نہیں مانا جاتا۔ ملک میں ایک ہی دن پہلا روزہ اور عید پر عابد شیر علی نے کہا کہ پشاور کی مسجد قاسم علی خان کے خطیب شہاب الدین پوپلزئی تفریق پیدا نہ کریں، چاند ایک ہی ہوتا ہے وہ دعا کرتے ہیں کہ مولانا پوپلزئی کو بھی پاکستان والا چاند نظر آئے۔
عابد شیرعلی