جھنگ (نامہ نگار)کار چوری کرکے بھاگنے والے چوروں کی گاڑی تیز رفتاری کے باعث اُلٹ گئی جس کے نتیجہ میں ایک شخص ہلاک جبکہ تین شدید زخمی ہو گئے۔ محکمہ انہار کے سب انجینئر ریاض حسین کی کار کینال ریسٹ ہائوس میں کھڑی تھی جسے نامعلوم چور چرا لے گئے تاہم کچھ ہی دیر بعد اطلاع ملی کہ مذکورہ کار صوفی موڑ کے قریب رنگ روڑ پر تیز رفتاری کے باعث بُری طرح الٹ گئی جس کے نتیجہ میں کار میں سوار ایک شخص35 سالہ رحیم داد خان خان موقع پر ہی ہلاک ہو گیا جبکہ کار میں سوار دیگر تین افراد ارسلان عرف کاکا، منور اور حیدر شدید زخمی ہو گئے۔ پولیس کے مطابق ملزم کینال ریسٹ ہائوس کے قریب واقع میرج ہالز میں چوکیداری کرتے تھے۔