علی گڑھ (سپورٹس ڈیسک) بھارت میں ایک کرکٹ میچ کے دوران امپائر کے فیصلے نے اس کی ایک بہن کی جان لے لی اور تین کو ہسپتال پہنچا دیا۔علی گڑھ سے 20 کلومیٹر دور قصبے جارارا نے اردگرد کے قصبوں کی ٹیموں کے درمیان ’’جے پی ایل‘‘ کے نام سے ٹورنامنٹ کرایا ۔ امپائر راج کمار نے ایک گیند کو نوبال قرار دیدیا۔سندیپ پال نامی کھلاڑی امپائر کے فیصلے پر خوش نہیں تھا ۔ 29 مئی کو اس نے کمار کی 4 بہنوں کو راستے میں روک کر کولڈ ڈرنکس پیش کیں۔ چاروں لڑکیاں پال کو جانتی تھیں اس لئے انہوں نے بغیر ہچکچاہٹ انہیں پی لیا جس کے کچھ ہی دیر بعد کمار کی ایک بہن ہلاک ہو گئی جبکہ اس کی دیگر تین بہنوں کو تشویشناک حالت میں ہسپتال منتقل کر دیا گیا ۔